Havaman andaj today ; कमी दाबामुळे राज्यात पावसाचा जोर वाढनार..

Havaman andaj today ; कमी दाबामुळे राज्यात पावसाचा जोर वाढनार..

बंगालच्या उपसागरात कमी दाबामुळे राज्यात पावसाचं प्रमाण वाढलं आहे. याच कारणामुळे हवामान विभागाने आज, १६ ऑगस्ट रोजी, कोकण आणि घाटमाथ्यासाठी ‘ऑरेंज अलर्ट’ जारी केला आहे. याचा अर्थ या भागांमध्ये जोरदार पाऊस पडण्याची शक्यता आहे. त्याचबरोबर, राज्याच्या इतर भागांमध्ये विजांच्या कडकडाटासह जोरदार पाऊस होण्याची शक्यता असल्याने ‘येलो अलर्ट’चा इशारा देण्यात आला आहे. नागरिकांनी सतर्क राहून आवश्यक ती काळजी घ्यावी.

सध्या उत्तर आंध्र प्रदेशच्या किनाऱ्यावर कमी दाबाचं क्षेत्र सक्रिय आहे आणि त्याला लागून समुद्रसपाटीपासून ७.६ किलोमीटर उंचीपर्यंत चक्राकार वारे वाहत आहेत. मॉन्सूनचा पट्टा बिकानेरपासून कोटा, रायपूरमार्गे याच कमी दाब क्षेत्रापर्यंत पसरलेला आहे. याव्यतिरिक्त, ईशान्य अरबी समुद्रात गुजरात आणि कोकण किनारपट्टीजवळही चक्राकार वाऱ्यांची स्थिती आहे. दक्षिण महाराष्ट्र आणि तेलंगणादरम्यान हवेचा कमी दाबाचा पट्टा कायम असल्यामुळे राज्यात पावसाला अनुकूल वातावरण निर्माण झाले आहे.

Havaman andaj today ; जोरदार पावसाची शक्यता 

आज १६ आँगष्ट रोजी संपूर्ण कोकण आणि घाटमाथ्यावर मुसळधार ते अतीमुसळधार पावसाचा आँरेंज अलर्ट देण्यात आला आहे…तसेच विदर्भ मराठवाडा आणि उत्तर महाराष्ट्रात विजांसह मध्यम ते जोरदार पावसाची शक्यता हवामान खात्याने व्यक्त केली आहे..

मराठवाड्यातील संभाजीनगर जालना,परभणी, हिंगोली आणि नांदेड या जिल्ह्यात जोरदार पावसाचा यल्लो अलर्ट जारी करण्यात आला आहे तर विदर्भातील यवतमाळ आणि चंद्रपूर जिल्ह्यातही जोरदार पावसाचा ईशारा हवामान खात्याने दिला आहे.. उत्तर महाराष्ट्र आणि विदर्भ मराठवाड्यातील ईतर जिल्ह्यात विजांसह हलक्या ते मध्यम पावसाची शक्यता आहे.